Ыам ыйын 31 күнүгэр биhиги уhуйааммытыгар  сахабыт сиригэр самаан сайын сатыылаан кэлбит үөрүүтүгэр, өбүгэбит үгэһинэн Үрүҥ Тунах ыһыах ыһар үтүө күммүт буолан ааста.

Сэттэ ый тухары сэтэрээбит,
А5ыс ый тухары аарыгырбыт
Тымныылаах кыһыммыт ааһан.
Самаан сайын кэллэ,
Күөх сирэм чэлгийдэ
Кэрии тыаҕа кэҕэ эттэ,
Күндэл халлааҥҥа күөрэгэй ыллаата.
Маннык үтүө күнҥэ, маннык кэрэ кэмҥэ,
Саха киһитэ ыһыах ыһар үгэстээх.
Үрүҥ Тунах ыһыах ыһар үтүө күммүтүнэн

Сахалыы Айхал, урааҥхайдыы Уруй буолуохтун!

Үгэс быhыытынан сахалыы таҥаска, мааны сандалыга бөлөхтөрүнэн күрэх буолла.

«Остуоруйа дойдутугар» буолбут ыhыахха «Мир Диснея» бөлөхтөн Львовтар дьиэ кэргэн кыайыылаа5ынан та5ыста, 2 миэстэ — Карсанаевтар («Изумрудный город»), 3 миэстэ — Желонкиннар («Сир симэхтэрэ»), 4 миэстэ — Ядрихинскайдар  («Мир Диснея»).

“Бастыҥ сандалы” аатын «Изумрудный город» бөлөх ылан о5олор, төрөппүттэр үөрүүлэрэ үксээтэ. Бу бөлөх төрөппүттэрэ үрүн ас 8 көрүнүн, эт ас 8 көрүнүн, бурдук ас 4 көрүнүн уонна утах арааhын маанылаах сандалыга уурбуттар.

Саха кыыhын мааны киэргэлэ толбоннурар уhун суhуо5а буолар.  Биhиги уhуйааммытыгар «Уhун суhуох» күрэх кыайыыла5ынан буоллулар: 7 тутум суhуохтаах Максимова Алиса  («Мир Диснея») — 1 миэстэ , 2 миэстэ — Николаева Нарияна («Изумрудный город»), 3 миэстэ — Львова Аня («Мир Диснея»).

Былыр былыргаттан биһиги өбүгэлэрбит алаас – алаастартан ыҥырсан, кус – быһый дьоннорун күрэстэһиннэрэн ыһыах дьонун сэргэхситэллэрэ, ол сиэринэн биһиги эмиэ өбүгэлэрбит оонньууларыттан оонньоон – көрүлээн аастыбыт. Ол курдук мас тардыhыыга: 1 миэстэ — Петров Арсен, 2 миэстэ — Андросов Артур, 3 миэстэ — Босиков Айаан буоллулар. Кус быhый о5олор сүүрүүгэ: 1 миэстэ — Морозов Сережа, 2 миэстэ — Петров Арсен, 3 миэстэ — Карсанаев Слава.

Самаан Сайын кэлбитинэн урй-айхал!!!