Сибэккинэн симэммит

Сэлэ чэчир астыбыт,

Үрүҥ астаах сири иһит

Түһүлгэтин тартыбыт.

 

 

 

 

 

Ыам ыйын 27-28 күннэригэр биһиги уһуйааммытыгар самаан сайыны көрсө ытык өбүгэлэрбит, дархан төрүттэрбит сиэрдэрин-туомнарын тутуһан Үрүҥ тунах ыһыах ыстыбыт. Күн-дьыл анаабыт курдук туран биэрдэ. Бу күн Аан Алахчын Ийэ хотуммут арылыйа сырдыы күлбүт, ыраас-чэбдик буоллун диэн халлаан ньуура көҕөрүмтүйэ көстүбүт, көхтөөх-үөрүүлээх буоллун диэн күммүт уота күүскэ тыкпыт! Оҕо-аймах, дьон-сэргэ тоҕуоруһа мустаннар үөрдүлэр-көттүлэр. Хобуо чуораан лыҥкынаата, нарын ырыа дьиэрэйдэ, оһуохай дуорайда, күүстээхтэр күрэстэстилэр. Ырыа-үҥкүү түһүлгэтин тартыбыт. Алгыс үҥкүүтүнэн уһуйаан үлэһиттэрин толоруутугар ыһыахпытын айхаллаатыбыт, иитиллээччилэрбит чабырҕах аахтылар, ыллаан дьиэрэттилэр, саамай кырачааннарбыт ньуоскаҕа оонньоон иһитиннэрдилэр. Өбүгэбит оонньууларын оройуттан туттубут, кус быһыйдар, ат бөҕөлер күөн көрүстүлэр, күүстэрин холоннулар.

“Саха талба-мааны таҥаһа”, “Толбоннурар уһун суһуох”, “Сандалы остуол” күрэхтэрэ буоллулар.

“Саха талба-мааны таҥаһа” диэн сахалыы таҥаһы көрүүгэ араас дьэрэкээн, сиэдэрэй таҥаһы таҥнан дьиэ кэргэнинэн уонна биирдиилээн кытыннылар.  Бу күрэх кыайыылаахтарынан буоллулар: “Солнечные зайчики” бөлөххө – Спиридоновтар дьиэ кэргэн, “Мир Диснея” бөлөххө — Львовтар, “Изумрудный город” бөлөххө – Пак, “Сир симэхтэрэ” бөлөххө – Мигалкиннар, “Сардаана” бөлөххө – Худогизовтар, “Кустук” бөлөххө – Лебедевтар, “Чуораанчык” бөлөххө — Харлампьевтар.

 

 

 

 

 

 

 

 

 

 

 

 

 

Кырачаан кыргыттарбыт “Толбоннурар уһун суһуох” күрэҕэр кытыннылар. Элбэх кыыс уһун суһуохтаахтарын сөҕө-махтайа көрдүбүт, уһун суһуох – кыыс оҕо киэргэлэ буоларын бэлиэтээтибит. Ол курудук, “Солнечные зайчики” бөлөххө – Лера Колесова, “Мир Диснея” бөлөххө – Анита Сергеева, “Изумрудный город” бөлөххө – Нелли Колесова, “Сир симэхтэрэ” бөлөххө – Даша Харитонова, “Чуораанчык” бөлөххө – Сайаана Яковлева, “Сардаана” бөлөххө – Кира Андросова, “Кустук” бөлөххө – Лиана Лебедева бастаатылар.

 

 

 

 

 

 

 

 

 

 

“Сандалы остуол” күрэҕэр сахалыы ас арааһын аҕалбыттар, сибиэһэй эт-балык, минньигэс бурдук ас амсайан үөрдүбүт-күттүбүт. Күрэх түмүгүнэн “Ромашка” уhуйааҥҥа “Чуораанчык” бөлөх, “Остуоруйа дойдута”  уhуйааҥҥа “Мир Диснея” бөлөх бастаата. Бу бөлөх төрөппүттэрэ 44 араас сахалыы ас арааһын астааннар бар дьонун күндүлээтилэр.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Кус быһыйдар күрэхтэригэр кыайыылаахтар: “Мир Диснея” бөлөххө – Анита Сергеева, Дамир Татаринов, “Изумрудный город” бөлөххө – Кирилл Герасимов, Вероника Петрова, “Сир симэхтэрэ” бөлөххө –Наташа Алексеева, Саша Желонкин, “Чуораанчык” бөлөххө – Лена Бояркина, Артур Павлов, “Сардаана” бөлөххө –Эмилия Соловьева, Коля Сивцев, “Кустук” бөлөххө –Нарыйа Борисова, Алик Заболоцкий.

“Мас тардыһыыга” уолаттарбыт күүстэрин холоннулар. Ол курдук, “Изумрудный город” бөлөххө – Кирилл Герасимов, “Сир симэхтэрэ” бөлөххө –Артем Тимофеев, “Сардаана” бөлөххө –Дархан Григорьев, “Кустук” бөлөххө –Алик Заболоцкий тэҥнээхтэрин булбатылар.

 

 

 

 

 

 

 

 

 

 

 

 

 

 

 

 

 

 

 

 

 

 

Хас күрэх, көрүҥ аайы барытыгар кыттааччылар дьоһуннаахтык бэлэмнэммиттэрэ көрөөччүлэри, дьүүллүүр сүбэни олус үөртэ. Кыайыылаахтарга дьүүллүүр сүбэ мэҥэ суруктары, анал бириистэри туттарда. Кэлбит ыалдьыттар, төрөппүттэр ирэ-хоро кэпсэтэн, эҕэрдэлэһэн, астынан, ис сүрэхтэриттэн махтаннылар. Ити курдук ыһыах ыһан үөрэ-көтө тарҕастыбыт.

Суруйда Федорова Любовь Иннокентьевна,

эбии үөрэхтээһин саха тылыгар уһуйааччыта

Метки: